दक्षिण अष्ट्रेलियाको तटमा माछा मार्ने डुङ्गा पल्टिँदा एक जनाको मृत्यु भएको छ । साथै अन्य दुई जना बेपत्ता भएका छन् ।​

एडिलेडबाट दुई सय किलोमिटर पश्चिममा रहेको स्पिल्सबी टापु नजिकै सोमवार दिउँसो डुङ्गा डुब्दा पाँच जना डुङ्गामा सवार थिए ।

केही समयअघि त्यही स्थानको पानीमा एकजना मृत व्यक्ति फेला पारेको प्रहरी अधिकारी पल बहरले मङ्गलवार पत्रकार सम्मेलनमा बताए ।

उनका  अनुसार  मृत व्यक्तिको पहिचान तथा पुष्टि हुन भने बाँकी नै  छ ।  

दुर्घटनामा परेका दुई जीवित व्यक्ति एक चट्टानमा फेला परेको स्रोतले बताएको छ ।

डुङ्गामा सवार रहेका परिवारका सदस्य तथा नजिकका साथीहरूको समूह रहेका प्रहरीले जनाएको छ ।