बागमती प्रदेशका मुख्यमन्त्री शालिकराम जम्कट्टेलले विश्वासको मत पाएसँगै मन्त्रिपरिषद् विस्तार गरेका छन् । उनले एकीकृत समाजवादीकी प्रदेशसभा सदस्य रमा आले मगरलाई मन्त्रीमा नियुक्त गरेका हुन् । उनलाई  विनाविभागीय मन्त्रीमा नियुक्त गरिएको मुख्यमन्त्री तथा मन्त्रिपरिषद्को  कार्यालय हेटौंडाले जनाएको छ । 

कार्यालयका अनुसार आलेलाई मंगलबार बिहान ९ बजेलाई शपथ ग्रहण गराउने तयारी भएको छ। 

 सोमबार जम्कट्टेलले प्रदेशसभाबाट ५६ मतका साथ विश्वासको मत पाएका थिए । उनले छिट्टै अन्य रिक्त मन्त्रालयमा पनि पदपूर्ति गरेर मन्त्रिपरिषद्लाई पूर्णता दिने बताइएको छ ।