आयरल्यान्ड ए ले जितका लागि नेपाललाई १५८ रनको लक्ष्य दिएको छ । त्रिवि क्रिकेट मैदानमा जारी खेलमा टस हारेर बेयाटिङ रोजेको आयरल्यान्ड ए ३८ दशमलव ३ ओभरमा १५७ रनमै अलआउट भएको हो । 

आयरल्याण्डका केड कार्माइकलले सर्वाधिक ५१ रन जोडे । निल रकले ३९ रन बनाए । पिटर मूर २१, स्टिफेन डोहेनी १२ र जेम्स म्याकोलमले १२ रन बनाए ।

नेपालका लागि तीव्र गतिका बलर कमल सिंह ऐरीले ह्याट्रिक विकेट लिए । कमलले अन्तिम ३ विकेट ह्याट्रिकसहित कुल ४ विकेट लिएर आयरल्यान्डको तल्लोक्रम धराशायी पारेका हुन् । 

यस्तै शहाव आलम र मौसम ढकालले २-२ विकेट लिए । रिजन ढकालले एक विकेट लिए ।