वेम्बलीमा खेल्न ब्राजिललाई इंग्ल्यान्डको निम्तो

इंग्ल्यान्ड राष्ट्रिय फूटबल टोलीले ब्राजिललाई आफ्नो घरेलु मैदान वेम्बलीमा खेल्न निम्तो गरेको छ । 

यो खेल आगामी वर्षको मार्च २३ मा हुने ईएसपीएन एफसीले जनाएको छ ।

यसअघि यी दुई टोलीबीच सन् २०१७ मा लण्डनस्थित वेम्बलीमा नै खेल भएको थियो । सो खेल गोलरहित बराबरीमा सकिएको थियो । 

सन् १९६६ को विश्वविजेता इंग्ल्यान्डसँगको भेटअघि ब्राजिलले स्पेनसँग खेल्ने बताइएको छ ।

पछिल्लो समयमा इंग्ल्यान्ड लयमै भए पनि सर्वाधिक पाँच पटकको विश्वविजेता ब्राजिलले भने आफ्नो इतिहास अनुसारको खेल देखाउन सकेको छैन । 

गत महिना भएको विश्वकप छनोटमा ब्राजिल उरुग्वेसँग २–० ले पराजित भएको थियो ।