३५ वर्षीया महिलालाई बलात्कार गरेको आरोपमा १ जना पक्राउ

पाल्पामा ३५ वर्षीया महिलालाई बलात्कार गरेको आरोपमा एक जना पक्राउ परेका छन् ।

पक्राउ पर्नेमा बाराको जीतपुर सिमरा उपमहानगरपालिका- ७ बस्ने २७ वर्षीय मुकेश महतो छन् ।

पाल्पाको रम्भा गाउँपालिका ५ स्थित होटलमा ती महिलालाई बलात्कार गरेको आरोपमा उनलाई प्रहरीले आइतबार साँझ पक्राउ गरेको हो ।

मुकेशले ती महिलालाई शनिबार जबरजस्ती करणी गरेको भन्ने उजुरीको आधारमा प्रहरी चौकी ताहुँ र जिल्ला प्रहरी कार्यालय पाल्पाबाट खटिएको प्रहरी उनलाई पक्राउ गरेको हो ।

थप अनुसन्धान भइरहेको प्रहरीले जनाएको छ ।