०६ साउन २०८३, बुधबार
पुर्पक्षका लागि थुनामा पठाउने उच्च अदालतको आदेशविरुद्ध रवि लामिछानेले सर्वोच्चमा दायर गरेको रिट न्यायाधीश टेकप्रसाद ढुंगानाको इजलासमा पेशी चढेको छ ।
सहकारी ठगी तथा संगठित अपराधको मुद्दामा रुपन्देही कारागारमा रहेका लामिछानेका तर्फबाट दायर रिट आइतबार पेशीमा चढेको हो ।
यसअघि उच्च अदालत तुलसीपुरको बुटवल इजलासका न्यायाधीश रमेश ढकाल र स्वीकृति पराजुलीको इजलासले रविलाई पुर्पक्षका लागि कारागार चलान गरेको थियो ।
जिल्ला अदालत रुपन्देहीले १ करोड धरौटीमा रिहा गरेकोमा उच्चले त्यसलाई उल्ट्याउँदै कारागार पठाएको हो ।
