चीनको राजधानी बेइजिङमा भारी वर्षा र बाढीका कारण ३० जनाको मृत्यु भएको छ। बेइजिङ प्रशासनले आपतकालीन बाढी चेतावनी जारी गरेको बीबीसीको समाचारमा उल्लेख छ । 

गत हप्ता शनिबारदेखि शुरू भएको वर्षाका कारण अहिलेसम्म ८० हजारभन्दा बढी मानिसहरू अर्को ठाउँमा सर्नु परेको छ। मंगलबार दिउँसोसम्म भारी वर्षा जारी रहने अनुमान गरिएको छ।

चिनियाँ राष्ट्रपति सी जिनपिङले बाढीमा बेपत्ता भएका 'सबै मानिसहरू' खोज्न र राहत र उद्धार कार्य सञ्चालन गर्न निर्देशन दिएका छन्।

जुलाई महिनामा बेइजिङमा धेरै बाढी आएको छ, जसमध्ये सबैभन्दा गम्भीर बाढी जुलाई २०१२ मा आएको थियो, जब बेइजिङमा एकै दिनमा १९० मिमी वर्षा भएको थियो । यस बाढीमा ७९ जनाको मृत्यु भएको थियो।