०२ साउन २०८३, शनिबार
निर्माणाधीन बुटवल नारायणगढ सडक खण्डको म्याद फेरि एक वर्ष थप भएको छ ।
आयोजनाले दिएको जानकारीअनुसार २०८३ साउन ७ गतेसम्मका लागि चौथोपटक म्याद थप भएको हो ।
अर्थात्, २३ जुलाई २०२६ मा आयोजनाको काम सकिने भएको छ । यही साउन ८ गते आयोजनको म्याद सकिएको थियो ।
अहिलेसम्म ७० प्रतिशत भौतिक प्रगति भएको छ । दाउन्ने पूर्व र पश्चिम गरी दुई खण्डमा निर्माण जारी रहेको सडक अहिले बर्दघाटदेखि दुम्कीबाससम्म १४ किलोमिटरबाहेक अन्यत्र सहज छ ।
दाउन्ने खण्डमा पनि अहिले धमाधम ढलान कार्य भइरहेको छ । यो सडक बनेपछि बुटवल–नारायणगढ सडकको यात्रा डेढ घण्टामा छोटिने छ ।
