०४ साउन २०८३, सोमबार
अमेरिकी राष्ट्रपति डोनाल्ड ट्रम्पले राजधानी वाशिङ्टन डीसीमा थप गार्ड तैनाथ गर्ने तयारी गरेका छन् । उनको आदेशमा, पश्चिम भर्जिनिया, दक्षिण क्यारोलिना र ओहायोका गभर्नरहरूले शनिबार आफ्ना राज्यका राष्ट्रिय गार्डहरूलाई वाशिङ्टन पठाउने घोषणा गरेका हुन् ।
पश्चिम भर्जिनियाबाट ३००-४०० राष्ट्रिय गार्डहरू, दक्षिण क्यारोलिनाबाट २०० र ओहायोबाट लगभग १५० राष्ट्रिय गार्डहरू आउनेछन् । हाल ८०० राष्ट्रिय गार्डहरू वाशिङ्टनमा तैनाथ छन् । ट्रम्पले तिनीहरूलाई प्रत्यक्ष रूपमा नियन्त्रण गर्छन् ।
यी तीन राज्यबाट लगभग ७०० अतिरिक्त सैनिकहरूको आगमनसँगै, वासिङ्टनमा राष्ट्रिय गार्डहरूको संख्या लगभग दोब्बर हुनेछ । यद्यपि, राष्ट्रिय गार्डहरूको तैनाथीको विरोधमा मानिसहरूले शनिबार विरोध प्रदर्शन गरेका थिए ।
यसअघि अगस्ट १२ मा ट्रम्पले वासिङ्टनलाई केन्द्रीय सरकारको नियन्त्रणमा लिएका थिए । उनले राजधानीको अवस्था नियन्त्रण बाहिर रहेको र राजधानीमा बिग्रँदै गएको कानून व्यवस्थालाई फेरि ट्र्याकमा ल्याउन आवश्यक रहेको बताएका थिए ।
