२८ असार २०८३, आइतबार
हमासले एउटा नयाँ भिडियो जारी गरेको छ, जसमा दुई इजरायली बन्धकहरू देखिएका छन् । ७ अक्टोबर २०२३ मा इजरायलमा भएको आक्रमणको क्रममा हमासले उनीहरूलाई बन्धक बनाएको थियो ।
भिडियोमा गाइ गिल्बोआ-दलाल अगस्टको अन्त्यमा गाजा शहरमा रहेको दाबी गरिएको छ।
भिडियोमा उनी र अन्य आठ जनालाई बन्धक बनाइएको र इजरायलको जमिनको कारबाहीको बाबजुद पनि यहीं रहने कुरा पनि भनिएको बीबीसीले जनाएको छ । समाचारअनुसार भिडियोमा अर्का बन्धक एलोन ओहेल पनि देखिएका छन्।
यसअघि, हमासले साझा गरेको इजरायली बन्धकहरूको भिडियोलाई विश्वभरका नेताहरू र पीडित परिवारहरूले 'प्रचार' भनेर निन्दा गरेका थिए।
इजरायलका अति दक्षिणपन्थी राष्ट्रिय सुरक्षा मन्त्री इटामार बेन-गियोरले गाजाको पूर्ण कब्जा गर्नु नै बन्धकहरूलाई सुरक्षित रूपमा फिर्ता गर्ने एक मात्र तरिका भएको बताएका थिए ।
