२२ जेठ २०८३, शुक्रबार
निवर्तमान प्रधानमन्त्री एवं नेकपा एमालेका अध्यक्ष केपी शर्मा ओलीको निवासबाट बिहानै सुनचाँदी चोरी भएको खुलेको छ ।
आगजनी भएको बालकोटस्थित घरमा छिरेर सुनचाँदीसहित बहुमूल्य सामानहरू लैजान थालेपछि स्थानीय केही युवाले घरमा ताला लगाइदिएका छन् ।
बुधबार अपराह्न बालकोट पुग्दा उक्त घर खण्डहरमा परिणत भएको देखिन्थ्यो ।
पुस्कालयमा पुस्तकहरू छरबरान्त अवस्थामा थिए भने कंक्रिटबाहेक अधिकांश संरचना झलेर नस्ट भएका छन् ।
जेनजीको आन्दोलनका क्रममा मंगलबार उक्त घरमा आगजनी भएको थियो । यो ओलीको निजी निवास हो ।
प्रधानमन्त्री रहेका कारण ओली बालुवाटारस्थित सरकारी निवासमा बस्दै आएका थिए ।
