काठमाडौं, २८ मंसिर– चर्चित डीजे मार्समेलोलाई ल्याउने भन्दै टिकट बिक्र गरेको भन्दै पूर्व राष्ट्रिय क्रिकेटर पृथु वास्कोटासहित आठ जना पक्राउ परेका छन् । 
उनीहरुलाई प्रहरीको महानगरीय अपराध महाशाखाको टोलीले पक्राउ गरेको हो । 

पक्राउ पर्नेहरुमा क्लबका सञ्चालक जयन श्रेष्ठ, मयंक खड्का, विशाल डाँगी, मिलन श्रेष्ठ, आकाश न्यौपाने, रितेश माडवाडी लगायत छन् । 

डेभाजु क्लबले मार्समेलोलाई क्लबमा ल्याउने भन्दै टिकट बेचेको भएपनि मार्समेलो क्लबमा उपस्थित नभएपछि तोडफोड भएको थियो । 

डिजे मार्ममेलोलाई ल्याउने भन्दै उनीहरुले ७ हजार जनालाई टिकट विक्रि गरेका थिए । २५ सय र ३५ सयका दरले टिकट विक्री गरिएको पाइएको महानगरीय अपराध महाशाखाका प्रमुख दिवश लोहनीले जानकारी दिए । 
मार्समेलो अन्तर्राष्ट्रिय डीजे हुन् ।

आफ्नो अनुहार लुकाउने भएका कारण उनी को हुन् भन्ने वास्तविकता थाहा पाउन सकिएको छैन । तर केही अन्तर्राष्ट्रिय सञ्चार माध्यमहरुले भने उनी अमेरिकी डिजे क्रिस्टियन कम्स्टक भएको दाबी गरेका छन् । केहीले भने मार्समेलो नेदरल्याण्डका डिजे मार्टिन गारिक्स वा सम भोगेल हुनुक्ने अनुमान गरेको छ ।