२२ असार २०८३, सोमबार
अमेरिकी राष्ट्रपति डोनाल्ड ट्रम्पको माफीपछि होन्डुरसका पूर्वराष्ट्रपति जुआन ओर्लान्डो हर्नान्डेज अमेरिकी जेलबाट रिहा भएका छन् । उनी गत वर्षदेखि लागूऔषध ओसारपसार र हतियारको आरोपमा न्यूयोर्कको संघीय जेलमा सजाय भोगिरहेका थिए । रोयटर्सका अनुसार ट्रम्पको माफीले उनलाई रिहा गरेको हो ।
होन्डुरसका पूर्वराष्ट्रपति जुआन ओर्लान्डो हर्नान्डेजलाई अमेरिकी अदालतले दोषी ठहराएर ४५ वर्षको जेल सजाय सुनाएको थियो। उनलाई ८ मिलियन डलर जरिवाना पनि लगाइएको थियो।
उनको रिहाइले डेमोक्र्याटहरूलाई आक्रोशित बनाएको छ। ट्रम्पले होन्डुरसको चुनावअघि आफ्नो माफीको घोषणा गरेका थिए।
ट्रम्पको यो कदमले ल्याटिन अमेरिकामा अमेरिकाको विश्वसनीयतालाई कमजोर पार्ने खतरा छ, यसले भ्रष्ट व्यक्तिहरूलाई प्रोत्साहन गर्न सक्छ। अन्तर्राष्ट्रिय लागूऔषध सञ्जालहरूसँग लड्न दशकौंदेखि चलिरहेको अमेरिकी प्रयासलाई कमजोर बनाएकोमा ट्रम्पको आलोचना पनि हुन सक्छ।
ट्रम्पले होन्डुरसका जनताको अनुरोधमा हर्नान्डेजलाई रिहा गरेको बताए । उनी यो निर्णयबाट धेरै खुसी थिए । उनले कुनै प्रमाण बिना नै हर्नान्डेज बाइडेन प्रशासनको कारबाहीको शिकार भएको दाबी गरे । डेमोक्र्याटहरूले ट्रम्पको यो कदमको कडा आलोचना गरेका छन् ।
