०१ साउन २०८३, शुक्रबार
लेखक निर्दोष जीवनको नयाँ कृति ‘प्रेमको सुगन्ध’ आउने भएको छ । यो उनको १० औं कृति हो ।
मुक्तक संग्रहका रूपमा आउन लागेको यस कृतिमा २०० वटा मुक्तक समेटिएको लेखक निर्दोष जीवनले बताए । कृतिलाई गजल मञ्च चितवनले प्रकाशन गर्न लागेको हो ।
‘मुक्तकलाई सानो विधा भनेर खासै मान्यता नदिनेहरूबीच टड्कारो रूपमा प्रस्तुत हुन जाँदैछु’, लेखक निर्दोष जीवनले भने ।
साहित्य लेखनसँगसँगै गायन र संगीतमा रुचि राख्ने उनी तीनवटै विधामा सक्रिय छन् ।
गीत र मुक्तकबाट साहित्य लेखन शुरू गरेका उनको ‘आशीर्वाद’ (गीत, मुक्तक र हाइकू संग्रह) पहिलो कृति हो ।
‘नयाँ जीवन’, ‘प्रार्थना’, ‘मैयाँ’, ‘कोर्राको चोट’, ‘फस्ट लभ’, ‘प्रिय साथी’, ‘मेरो गीत’ र ‘नोष्टाल्जिया’ गरी उनका ९ वटा कृति प्रकाशित भइसकेका छन् ।
