०८ साउन २०८३, शुक्रबार
सुदूरपश्चिम भ्रमणमा रहेका राष्ट्रिय स्वतन्त्र पार्टीका वरिष्ठ नेता बालेन (बालेन्द्र शाह) बझाङ पुगेका छन् ।
उनले बझाङमा रास्वपाका उम्मेदवार शैलेशकुमार सिंहसँग भेटघाट गरेका छन् । बझाङमा बिहानै पनि उनको क्रेज देखिएको छ ।
बझाङपछि बालेन बिहीबार नै बाजुरा पुग्ने कार्यक्रम छ । उनी बिहान ११:३० बजे बाजुरा पुग्ने कार्यक्रम रहेको छ ।
बाजुरापछि बालेन दिउँसो १२:१५ बजे अछामको साँफेबगर पुग्नेछन् । दिउँसो २:१५ बजे अछामकै मंगलसेन पुग्ने कार्यक्रम रहेको बालेनको सचिवालयले जनाएको छ ।
अछाम-२ मा बालेन काठमाडौं महानगरपालिकाका मेयर हुँदाका स्वकीय सचिव भूपदेव शाह प्रतिनिधिसभाको उम्मेदवार छन् ।
बालेन बुधबार डडेल्धुरा, दार्चुला लगायतका जिल्ला पुगेका थिए ।
झापा-५ बाट उम्मेदवारी दिएका बालेन केही दिन यता सुदूरपश्चिम भ्रमणमा छन् ।
उनलाई रास्वपाले भावी प्रधानमन्त्रीका रूपमा अघि सारेको छ ।
