०२ साउन २०८३, शनिबार
खाद्य प्रविधि तथा गुण नियन्त्रण विभाग बबरमहल, अनुगमन तथा निरीक्षण शाखा काठमाडौंमा कार्यरत प्राविधिक सहायक सञ्जय चौधरी घुससहित पक्राउ परेका छन् ।
अख्तियार दुरुपयोग अनुसन्धान आयोगबाट खटिएको टोलीले उनलाई उक्त रकमसहित सोमबार पक्राउ गरेको आयोगका प्रवक्ता सुरेश न्यौपानेले जानकारी दिए ।
उद्योग नवीकरण गर्ने प्रयोजनार्थ सेवाग्राहीसँग घुस/रिसवत माग गरी दु:ख हैरानी दिएको भन्ने सूचना एवं उजुरीका आधारमा आयोगबाट खटिएको टोलीले उनलाई सेवाग्राहीसँग लिएको ३० हजार रुपैयाँ २ थान मोबाइलसहित विभाग परिसरबाटै नियन्त्रणमा लिएको हो ।
थप अनुसन्धान भइरहेको आयोगले जनाएको छ ।
