काठमाडौं उपत्यकाको नदी किनारमा रहेका सुकुम्बासी बस्ती हटाउने कामलाई सोमबार पनि निरन्तरता दिइएको छ ।

काठमाडौं महानगरपालिका, बागमती सभ्यता एकीकृत विकास समिति लगायतको समन्वयमा नदी किनाराका अव्यवस्थित बस्ती हटाउने काम भइरहेको हो ।

सोमबार कोटेश्वर जडिबुटीनजिकको मनोहरा बस्तीमा एक दर्जनभन्दा बढी डोजरले घरटहरा भत्काउने काम गरिरहेका छन् । शनिबार थापाथलीबाट शुरू भएको सुकुम्बासी बस्तीका टहरा हटाउने काम आइतबार पनि चलेको थियो ।

विस्थापित सुकुम्बासीलाई स्क्रिनिङ गरेर पुन:स्थापनाका लागि कीर्तिपुरस्थित डोल्डिङ सेन्टरमा राखिएको छ ।

अतिक्रमित संरचना हटाउने कार्यलाई निरन्तरता दिइने शहरी विकास मन्त्रालयले जनाएको छ ।

मनोहरा क्षेत्रको सुकुम्बासी बस्तीमा पक्की घर बनाइएकाले भत्काउनका लागि समय लागेको छ ।

यसैबीच, काठमाडौं महानगरले सुकुम्बासी बस्ती हटाइएको ठाउँमा काँडेतार लगाउने तयारी गरेको छ ।

कार्यवाहक मेयर सुनिता डंगोलले काँडेतार लगाउने व्यवस्था गर्न निर्देशन दिएकी छिन् ।

हेर्नुहोस्, थप तस्वीरहरू :