प्रतिपक्षी दलहरूको बैठक शुरू भएको छ । 

सिंहदरबारस्थित नेपाली कांग्रेस संसदीय दलको कार्यालयमा विपक्षी दलको कार्यालयमा बैठक शुरू भएको हो ।

बैठकमा कांग्रेस दलका नेता भीष्मराज आङ्देम्बे, नेकपा एमालेका दलका नेता रामबहादुर थापा, कांग्रेस प्रमुख सचेतक वासना थापा, नेकपाका प्रमुख सचेतक युवराज दुलाल, राप्रपाकी सरस्वती लामा सहभागी छन् ।

बैठकमा श्रम संस्कृति पार्टीका प्रतिनिधि उपस्थित भएका छैनन् । 

सरकारले संसद् छलेर अध्यादेश ल्याएपछि प्रतिपक्षी दलहरू त्यसबारे छलफल गर्न एकजुट भएका हुन् ।

विपक्षी खेमामा कांग्रेससहित नेकपा एमाले, नेपाली कम्युनिस्ट पार्टी, श्रम संस्कृति पार्टी र राष्ट्रिय प्रजातन्त्र पार्टी छन् । 

राष्ट्रिय स्वतन्त्र पार्टी (रास्वपा)बाहेक प्रतिनिधिसभामा प्रतिनिधित्व गरेका अन्य राजनीतिक दल सरकारमा छैनन् । महावीर पुन पनि स्वतन्त्र सांसदका रूपमा प्रतिनिधिसभामा प्रतिनिधित्व गर्छन् । 

सरकारले सोमबारको मन्त्रिपरिषद् बैठकबाट संवैधानिक परिषद् र सहकारीसम्बन्धी अध्यादेश ल्याउने निर्णय गरेको खुलेको थियो ।

मंगलबार प्रमाणीकरणका लागि राष्ट्रपतिकहाँ अध्यादेश पुगेपछि मात्रै सरकारले संवैधानिक परिषद् र सहकारीसम्बन्धी अध्यादेश ल्याएको सार्वजनिक भएको थियो ।