१० साउन २०८३, आइतबार
राष्ट्रपति रामचन्द्र पौडेलले एक अध्यादेश जारी गरेका छन् ।
उनले बिहीबार सहकारी (पहिलो संशोधन) अध्यादेश, २०८३ जारी गरेका हुन् ।
नेपालको संविधानको धारा ११४ को उपधारा (१) बमोजिम नेपाल सरकार, मन्त्रिपरिषद्को सिफारिसमा यो अध्यादेश जारी भएको राष्ट्रपति कार्यालयका प्रवक्ता रितेशकुमार शाक्यले जानकारी दिए ।
सरकारले हालै ६ वटा विभिन्न अध्यादेश राष्ट्रपतिसमक्ष पेस गरेको थियो । तर, राष्ट्रपतिले बिहीबार एक वटा मात्र अध्यादेश जारी गरेका हुन् ।
बाँकी अध्यादेश अध्ययनकै क्रममा रहेको राष्ट्रपतिको सचिवालय स्रोतले जानकारी दिएको छ ।
