२१ असार २०८३, आइतबार
राष्ट्रपति रामचन्द्र पौडेलले फिर्ता पठाएको संवैधानिक परिषद् सम्बन्धी अध्यादेश सरकारले पुन: सिफारिस गर्ने भएको छ ।
सिंहदरबारमा सोमबार बसेको मन्त्रिपरिषद् बैठकले जस्ताको तस्तै अध्यादेश राष्ट्रपति समक्ष पेश गर्ने निर्णय गरेको हो ।
संविधानको मर्म र बहुमतीय प्रणालीविपरीत भएको भन्दै राष्ट्रपति पौडेलले आइतबार अध्यादेश फिर्ता गरिदिएका थिए ।
भोलिपल्टै सरकारले जस्ताको तस्तै फेरि राष्ट्रपति समक्ष पठाउने निर्णय गरेको हो ।
सरकारले सिफारिश गरेको अध्यादेशमा ६ सदस्यमध्ये ४ जनामात्र उपस्थित हुँदा पनि गणपूरक संख्या पुग्ने र ३ जनाले बहुमतका आधारमा निर्णय गर्न सक्ने विषय समावेश छ ।
