२१ असार २०८३, आइतबार
झापामा सात लाख ६१ हजार ४३२ मेट्रिकटन खाद्यान्न उत्पादन भएको छ ।
आर्थिक वर्ष २०८२/८३ मा वर्खे धान, चैतेधान, मकै, कोदो, फापर, गहुँ र जौ गरी छ प्रकारका सात लाख ६१ हजार ४३२ दशमलव ७८ मेट्रिकटन खाद्यान्न भएको कृषि ज्ञान केन्द्र झापाका प्रमुख सागर विष्टले जानकारी दिए ।
सो अवधिमा चैतेधान ८९ हजार ६५५.३ मेट्रिकटन, वर्खे धान तीन लाख ७७ हजार ५३४.३५ मेट्रिकटन, मकै दुई लाख ८३ हजार १८७.८८ मेट्रिकटन, कोदो ८६९.४७ मेट्रिकटन उत्पादन भएको छ ।
फापर तीन हजार ७५८.७ मेट्रिकटन, गहुँ छ हजार ४१९ मेट्रिकटन र जौ ८.१ एक मेट्रिकटन उत्पादन भएको कार्यालय प्रमुख विष्टले जानकारी दिए ।
पछिल्लो तीन वर्षयता खेतीको क्षेत्रफल र उत्पादन घट्दै गएको छ । आर्थिक वर्ष २०८०/८१ मा एक लाख ४३ हजार ८१५ हेक्टरमा वर्खे धान, चैतेधान, मकै, कोदो, फापर, गहुँ र जौखेती गरिएको थियो । जसमा यी छ प्रकारका खाद्यान्न आठ लाख ६३ हजार २३८.८ मेट्रिकटन उत्पादन भएको थियो ।
