काठमाडाैं, १२ वैशाख– नेपालमा विनाशकारी भूकम्प गएको ३ वर्ष पूरा भएको छ । तीन वर्ष बितिसक्दा पनि भूकम्पका कारण क्षतिग्रस्त निजी तथा सार्वजनिक संरचना पुनर्निर्माणले भने गति लिन सकेको छैन । 

सरकारले निजी आवास निर्माणका लागि तीन किस्तामा गरी ३ लाख रुपैयाँ पीडितहरूलाई अनुदानस्वरुप दिइरहेको छ । तर, यसको प्रक्रिया निकै झन्झटिलो छ । 

प्रक्रियागत झन्झटकै कारण पुनर्निर्माणकै लागि बनेको राष्ट्रिय पुनर्निर्माण प्राधिकरणले २६ महिनाको अवधिमा करिब १५ प्रतिशत निजी आवाज मात्रै निर्माण सम्पन्न गर्न सकेको छ । सार्वजनिक महत्त्वका संरचना पुनर्निर्माणको गति निकै सुस्त छ ।

पुनर्निर्माण प्राधिकरणले २८ महिना पार गरिसक्दा तीनपटक त नेतृत्व नै परिवर्तन भएको छ । 

महाभूकम्प तीन बर्ष पूरा भइसक्दा पनि पुनर्निर्माणले किन लय समात्न सकेन ? लोकान्तरले राष्ट्रिय पुनर्निर्माण प्राधिकरणका प्रमुख कार्यकारी अधिकृत युवराज भुसालसँग यसको जवाफ माग्ने कोसिस गरेका छौं । 

लोकान्तरकर्मी मनीषा अवस्थीले भूकम्पपीडितको अवस्था, पुनर्निर्माण प्राधिकरणले हासिल गरेको प्रगति तथा भूकम्पले भत्किएका सबै संरचनाको निर्माणबारे भुसालसँग कुराकानी गरेकी छन् । 

प्रस्तुत छ, भुसालसँग गरिएको कुराकानीको सम्पादित भिडियो अंश: