काठमाडौं – संघीय प्रणलीमा गएपछि अहिले मुलुकमा संघ, प्रदेश र स्थानीय गरी तीन तहका सरकार छन् ।

सिंहदरबारको अधिकार गाउँगाउँमा पुगेको भनिए पनि पछिल्लो समय जनतामा तीव्र असन्तुष्टि छ । स्थानीय तहको चुनाव सम्पन्न भएको झन्डै एक वर्ष बितिसके पनि जनआकांक्षा अनुरूप काम भने भएको देखिँदैन ।

पछिल्लो समय स्थानीय तहदेखि केन्द्रसम्म मनोमानी ढंगले कर लगाउँदा जनतामा आक्रोश छ । अर्थतन्त्रको महत्त्वपूर्ण आयस्रोतका रूपमा लिइने करको मापदण्ड पनि केन्द्र सरकारले बनाउन नसक्दा स्थानीय तहले मनोमानी ढंगले कर असुलिरहेको अवस्था छ । करका विषयमा सामाजिक सञ्जालदेखि चिया गफसम्ममा सरकारको आलोचना सुन्न सकिन्छ । 

‘समृद्ध नेपाल, सुखी नेपाली’को नारा लिएको वर्तमान सरकार आफैं संघीयता असफल गराउन उद्धत रहेको पूर्वअर्थमन्त्री डा. प्रकाशचन्द्र लोहनी बताउँछन् ।

उनले अर्थतन्त्रको अहिलेको अवस्थालाई ‘हिलोमा गाडिएको मान्छे’को संज्ञा समेत दिएका छन् । अहिलेको स्थितिबाट मुलुकलाई माथि उठाउन सरकार तत्काल सचेत हुनुपर्ने उनको सुझाव छ ।

मुलुकको अर्थतन्त्रको वर्तमान स्थिति, सरकारका कामकारवाही र करका सम्बन्धमा पछिल्लो समय चलिरहेको बहसका विषयमा पूर्व अर्थमन्त्री एवं एकीकृत राष्ट्रिय प्रजातन्त्र पार्टी (राष्ट्रवादी)का अध्यक्ष डा. प्रकाशचन्द्र लोहनीसँग मनीषा अवस्थीले कुराकानी गरेकी छन् ।

प्रस्तुत छ, कुराकानीको सम्पादित अंश :