कास्की – नेपालमा आयोजना हुने १३ औं दक्षिण एशियाली खेलकूद प्रतियोगिता (साग)का लागि ह्याण्डबल खेलका महिला तथा पुरुष खेलाडी छनोट गरिएको छ ।

आगामी मंसिर १५ देखि २४ गतेसम्म आयोजना हुने प्रतियोगिताका लागि बिहीवार महिला र पुरुषतर्फ १६/१६ खेलाडी छनोट गरिएको नेपाल ह्याण्डबल संघका अध्यक्ष तेजबहादुर गुरुङले जानकारी दिए ।

छनोट भएका खेलाडीमा पुरुषतर्फ विशाल बस्नेत, दिनेश श्रेष्ठ, विशाल नेपाली, दीपकसिंह बोहोरा, सन्दीप कार्की, रणसिंह रावत, इन्द्रनारायण चौधरी, मदन चुनारा, श्रीबहादुर सिञ्जाली, यमबहादुर पुन, आषिश अधिकारी, केशव विष्ट, सरोज सिंह, सन्तोष श्रेष्ठ, हेमन्त थापा र शरण थापा छन् । 

महिलातर्फ बविता श्रेष्ठ, अर्चना न्यौपाने, सङ्गिता चौधरी, कविता राई, बन्दना राई, दुर्गा बोहोरा, रञ्जना राई, शान्तिकला राई, झिनमाया थापा, आइतालामु शेर्पा, रामकुमारी चौधरी, शारदा विक, कल्पना वली, उमा राई, निशा राई र देवकुमारी बाँस्कोटा छन् ।

छनोट समितिका संयोजक एवं संघका उपाध्यक्ष जीवन बस्नेतका अनुसार पुरुष र महिलातर्फ ५/५ वैकल्पिक खेलाडीसमेत छनोट गरिएको छ ।

वैकल्पिक खेलाडीमा महिलातर्फ जीना राई, साधना बम, विष्णु बोगटी, देवी श्रेष्ठ र मञ्जु राउत तथा पुरुषतर्फ शरुणमान श्रेष्ठ, तारा केसी, प्रवीण गुरुङ, जोनेश पुर्जा र पवन छन्त्याल छन् ।

साग तयारीका लागि बन्द प्रशिक्षणमा रहेका खेलाडीमध्येबाट पहिलो चरणमा पुरुष तथा महिला २८/२८ र दोस्रो चरणमा २२/२२ खेलाडी छनोट गरिएकामा उनीहरुमध्येबाट अन्तिम खेलाडी छनोट गरिएको संघका सचिव केशव पाठकले जानकारी दिए । सागमा ह्याण्डबलसहित ८ खेल पोखरामा खेलाइने छ ।