कात्तिक २२, २०८०
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
फागुन ४, २०७६
कोरोनाप्रभावित चीनको वुहानसहित विभिन्न शहरमा फसेका १ सय ८१ जना नेपाली स्वदेश फर्कन शनिवार स्थानीय समयअनुसार राति ११ बजे वुहानस्थित विमानस्थलमा उपस्थित भएका थिए ।
तीमध्ये ६ जनालाई त्यहाँको विमानस्थल हेल्थ डेस्कले तापक्रम परीक्षणपश्चात रोक्यो भने बाँकी १ सय ७५ जना नेपाल एयरलाइन्सको विशेष विमानमार्फत् स्वदेश फिर्ता भए ।
शुरूमा स्वदेश फर्किन १ सय ८५ जनाले आवेदन दिएकोमा ४ जना अन्तिम समयमा अनिच्छुक देखिएका थिए । बाँकी ६ जना स्वास्थ्य परीक्षणपश्चात रोकिएपछि १ सय ७५ जनालाई मात्र नेपाल ल्याइएको हो ।
नेपाल फर्किएका सबैलाई भक्तपुरको खरीपाटीस्थित क्वारेन्टाइनमा राखिएको छ ।
स्वदेश फर्किन चाहेका ६ जना चीनमै रोकिएपछि उनीहरूमा कोरोना संक्रमण देखिएको त होइन भन्ने चिन्ता र चासो थपिएको छ ।
स्वास्थ्य राज्यमन्त्री नवराज रावत ६ जना नेपाली वुहान विमानस्थलबाटै फिर्ता हुनुको कारण कोरोना संक्रमण नभएको दाबी गर्छन् ।
'उहाँहरू कोरोना भएकाले रोकिनु भएको होइन,' रावतले लोकान्तरसँग भने, 'उहाँका स्थानीय अविभावकहरू ढुक्क भएर बसे हुन्छ । विमानस्थलमा गरिएको स्वास्थ्य परीक्षणमा तापक्रम सामान्यभन्दा केही बढी देखिएको साँचो हो, तर कोविड-१९ को संक्रमण हुँदै होइन ।'
रावतले आफूहरूले ६ जनाको विषयमा निरन्तर फलोअप गरिरहेको बताए ।
चीनस्थित नेपाली दूतावासका नियोग उपप्रमुख सुशील लम्सालले पनि एयरपोर्टमा रोकिएका ६ जनामा संक्रमणको कुनै लक्षण नदेखिएको र उनीहरू आफ्नो युनिभर्सिटीमा फर्केको बताइसकेका छन् ।
विमानस्थलमा स्वास्थ्य परीक्षण गर्दा सामान्यभन्दा बढी देखिएका ६ जनामा एक परिवार (श्रीमान, श्रीमती र बच्चा) र अन्य तीन पुरुष थिए ।
डेढ वर्षको बच्चालाई मास्क लगाइदिँदा बिग्रियो कुरा
चीनमा रोकिएका ६ जनाको आधिकारिक नाम स्वास्थ्य र परराष्ट्र मन्त्रालयले गोप्य राखेको छ ।
तर ६ जनामध्ये करीब डेढ वर्षको बच्चालाई लामो समयसम्म मास्क लगाइदिँदा असहज भएकाले तापक्रममा सामान्य वृद्धि भएको आफ्नो जानकारीमा आएको एक अभिभावक भगवतीलाल कक्षपतिले बताए ।
उनी वुहानबाट उद्दारपछि खरिपाटी क्वारेन्टाइनमा रहेकी सलिना कक्षपतिका बुवा हुन् ।
कक्षपति लगायत अन्य अविभावकहरूले वुहानबाट आफ्ना आफन्तलाई तत्काल उद्दार गर्न संघर्ष समिति नै बनाएर सरकारलाई दबाब दिएका थिए ।
'बिहानदेखि पानी परिरहेकाले अधिकांश रेनकोट ओढेर विमानस्थल आएका थिए । डब्ल्युएचओको मापदण्ड अनुसारका कपडाहरू लगाउनुपर्यो,' कक्षपतिले भने, 'कतिपय घर आउन पाएकोमा भावुक पनि बनेका थिए । त्यसैले केहीको स्वास्थ्यमा सामान्य गडबडी देखियो, तर नेपाल फर्किन नपाएकामध्ये कोही पनि कोविड-१९ को संक्रमणको शिकार नभएको मैले बुझेको छु ।'
डब्ल्युएचओको मापदण्डभन्दा बढी शून्य दशमलव १ डिग्री सेल्सियस तापक्रम भएपनि नेपाल फर्किन नपाइने भनेर लिखतनामा नै गरिएको थियो ।
खरिपाटीमा क्वारेन्टाइनमा रहेका सौरभ लुइँटेलले पनि एयरपोर्टमै रोकिएका ६ जनालाई कोविड-१९ को संक्रमण भइसकेको हुनसक्ने सम्भावना नरहेको बताए ।
'उहाँहरूमध्ये कतिपयको त घर जान पाइने भयो भन्ने खुसीकै कारणले सामान्यभन्दा केही बढी तापक्रम भएको हुनुपर्छ,' लुइँटेलले लोकान्तरसँग भने ।
महिना दिनपछिको खुशी
वुहानमै रोकिएका ६ जनालाई फर्काएर उतै क्वारेन्टाइनमा राखिने चीनस्थित नेपाली दूतावासले बताएको छ ।
नेपाल आएका १ सय ७५ जना भने खुशी छन् । लुइँटेल भन्छन्, 'हामी यति खुसी थियौं कि वुहानबाट विमान उड्दा र काठमाडौं अवतरण गर्दा सबैले तालीसँगै हूटिङ पनि गरेका थियौं ।'
चीनको वुहानबाट शुरू भएको कोविड-१९ २०१९ को डिसेम्बर ३१ मा पहिलोपटक देखिएको थियो ।
संक्रमण गुणात्मक रूपमा बढ्न थालेपछि भारत, बंगलादेशका अलावा युरोप र अमेरिकी देशहरूले आफ्ना नागरिक फिर्ता लगेका थिए ।
कोविड-१९ भाइरसका कारण मृत्यु हुनेको संख्या आइतबारसम्ममा एक हजार ६ सय ६५ पुगेको चीनको स्वास्थ्य आयोगले जनाएको छ ।
पछिल्लो एकै दिनमा थप १ सय ४२ जनाको मृत्यु भएको छ भने सङ्क्रमित हुनेहरुको कूल संख्या अहिलेसम्म ६५ हजार ५ सय पुगेको बताइएको छ ।
नेपालमा भने चीनबाट नेपालीहरूलाई स्वदेश फिर्ता गराउने विषय राजनीतिक विषय बन्यो ।
सरकारले चीनबाट नेपालीहरूलाई उद्दार गर्न नसकेको भन्दै आलोचना भएको थियो भने चीनमा फसेकाहरूका अभिभावकले संघर्ष समिति नै बनाएर आन्दोलन गर्नुपरेको थियो ।
नेपाल फर्किएका अर्का विद्यार्थी अभयकुमार मण्डलले पनि आफ्नो खुशीको सीमा नरहेको बताए ।
खरिपाटीको नेपाल विद्युत् प्राधिकरण तालिम केन्द्रमा राखिएका १ सय ७५ जनाको रगत, र्याल र खकार परीक्षण गरिने भएको छ ।
'हामी दुई हप्तासम्म क्वारेन्टाइनमा बस्न एकदम राजीखुशी छौं,' मण्डलले भने, 'अविभावकहरू पनि खुशी हुनुभएको छ । आजैबाट शुरू हुने गरी हाम्रो केही टेस्टहरू हुँदैछन् ।'
पाल्पामा १९ वर्षीया किशोरीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा गुल्मीको इस्मा गाउँपालिका ६ का २६ वर्षीय जिज्ञाश दाहाल रहेका छन् । उनलाई मंगलवार साँझ पक्राउ गरिएको प्रहरीले जनाएको...
बाराको कलैया उपमहानरपालिका–६ मदर्सा टोलमा रहेको बाल एकता इंग्लिस बोर्डिङ स्कूलका प्रिन्सिपल गुड्डु भनिने रुपेश स्वर्णकारको हत्याका मुख्य योजनाका सोही विद्यालयकी पूर्वशिक्षिका तथा लेखापाल राधा गुप्ता रहेको ख...
उदयपुरमा २१ वर्षीया युवतीलाई बलात्कार गरेको आरोपमा एक जना पक्राउ परेका छन् । पक्राउ पर्नेमा लिम्चुङबुङ गाउँपालिका १ बाँस्बोटेका २५ वर्षीय टवीन्द्र राई रहेका छन् । उनलाई आइतवार दिउँसो पक्राउ गरिएको प्रहर...
काठमाडौँ, २२ चैत –निर्वाचन आयोगले न्यायपरिषद्को परामर्शमा ७५ जिल्लाका जिल्ला न्यायाधीशलाई मुख्य निर्वाचन अधिकृत नियुक्त गरेको छ । आगामी वैशाख ३१ गते हुने स्थानीय तह निर्वाचनका लागि आयोगले उनीहरुलाई मुख्...
आफूलाई ‘लिटिल बुद्ध’ भनेर दाबी गर्ने रामबहादुर बम्जन पक्राउ परेपछि उनीबारे नयाँ–नयाँ तथ्य सार्वजनिक भइरहेका छन् । प्रहरीले उनलाई मंगलबार साँझ ७ बजे काठमाडौंको बूढानीलकण्ठस्थित निवास...
काठमाडौं उपत्यकामा भूकम्पको झड्का महसुस गरिएको छ । सोमवार अपरान्ह ४ बजेर ३३ मिनेटको समयमा भूकम्पको झड्का महसुस गरिएको हो । जाजरकोटको रामीडाँडा केन्द्रविन्दु भएर अपराह्न ४ बजेर ३१ मिनेटमा ५ दशमलव ८ रे...
नेपालको निजामती सेवा (समग्र प्रशासन) कम व्यावसायिक भएको आरोप लाग्दै आएको छ । कर्मचारीहरूमा बुझाइको स्तर सतही देखिन थालेको छ । सकारात्मक सोच पनि खस्किएको छ । प्रस्तुतिमा आत्मविश्वास होइन, हीनभावना देखिन थालेको ...
निरन्तर १८ वर्ष लामो कन्जरभेटिभ पार्टीको सरकारलाई विस्थापित गर्दै लेबर पार्टीका नेता टोनी ब्लेयर सन् १९९७ को मे २ मा बेलायतको प्रधानमन्त्री बन्न सफल भएका थिए । लेबर पार्टीका नेता जोन स्मिथको निधनपश्चात पार्टीको ...
जनता समाजवादी पार्टीमा आएको विभाजन पहिलो पनि होइन र अन्तिम पनि होइन । राजनीतिक दलमा आएको विभाजनको लामो शृङ्खला हेर्ने हो भने पनि यो न पहिलो हो, न अन्तिम । दुःखद् कुरा के भने राजनीतिक दल विभाजनको नयाँ कोर्...