प्रमुख प्रतिपक्षी दल नेपाली कांग्रेसकी एक सांसदले एकजना सांसदलाई लैनचौर पठाउँदैमा नेपाली जमिन फिर्ता हुन्छ भनी प्रधामनन्त्री केपी शर्मा ओलीलाई प्रश्न गरेकी छिन् ।

विनियोजन विधेयकमाथि सांसद्ले उठाएका प्रश्नको प्रधानमन्त्रीले जवाफ दिएपछि पुरक प्रश्न सोध्दै नपाली कांग्रेसकी सांसद रंगमती शाहीले नेपाली भूमि फिर्ता गर्ने वार्ता कहाँ पुग्यो भनेर प्रश्न गरेकी हुन् ।

‘एकजना सांसदलाई लैनचौर पठाएर जमिन फीर्ता हुन्छ ? भूमि फिर्ता लिन वार्ता कहाँ पुग्यो ?’ शाहीले प्रश्न गरिन् । उनले को सांसदलाई लैनचौर पठाएको भन्ने कुरा भने खुलाइनन् । 

कांग्रेस सांसद उमा रेग्मीले भारत र चीनबीच वार्ता भइरहेको समयमा नेपालसँगको वार्ता प्रक्रिया कहाँ पुग्यो भनेर सोधिन् ।