हजुरबुवाको २६औं पुण्यतिथिमा देखिए किम जोङ उन

उत्तर कोरियाका नेता किम जोङ उनले आफ्ना हजुरबुवा किम इल सुङको पार्थिव शरीर राखिएको स्थानमा गएर श्रद्धाञ्जलि व्यक्त गरेका छन् । उनीसँग शिरदेखि पाउसम्म कालो वस्त्र लगाएका अधिकारीहरू पनि उपस्थित थिए । 

हजुरबुवा किमको बुधवार २६औं पुण्यतिथि परेको छ । उनको शरीरलाई कुमुसुसान प्यालेस अफ द सन नामक कब्रिस्तानमा राखिएको छ । 


Advertisement

किमसँग रहेका सैन्य अधिकृत कसैले पनि मास्क लगाएका थिएनन् । 

उनीसँग शीर्ष नेताहरू चोइ र्‍योङ हे, पाक पोङ जु, किम जे र्‍योङ लगायत पनि भएको सरकारी सञ्चारमाध्यमले लेखेको छ । 
 


Advertisement

हजुरबुवाको जन्मजयन्ती गत अप्रिल महिनामा हुँदा किम सार्वजनिक समारोहमा देखिएका थिएनन् । त्यपछि उनको स्वास्थ्यस्थितिका विषयमा अनेकौं हल्ला चलेका थिए । 

त्यसयता किम सार्वजनिक स्थानमा जम्मा नौपटक देखिएका छन् । 

अघिल्लो साता उनी पार्टीको राजनीतिक ब्यूरोको बैठकमा देखापरेका थिए । 

किम इल सुङ उत्तर कोरियाका संस्थापक नेता थिए । उनले सन् १८४८ देखि मृत्युपर्यन्त सन् १९९४ सम्म देशको शासन चलाएका थिए । 
 

 

एजेन्सी
एजेन्सी

लेखकबाट थप...

कमेन्ट गर्नुहोस्