चीनमा रहेका आफ्ना नागरिकलाई अमेरिकाले दियो चेतावनी– होश गर, जेलमा परौला

अमेरिकाले चीनमा रहेका आफ्ना नागरिकलाई बढी नै सतर्क रहन चेतावनी दिएको छ । स्वेच्छाचारी रूपमा हिरासतमा लिइने खतरा तथा विदेशी नागरिकलाई देश छोड्नबाट लगाइएको प्रतिबन्धका कारण जोखिम बढेको अमेरिकाको भनाइ छ ।

अमेरिकाको कन्सुलर सहायता नपाएमा नागरिकहरूले कारागारमा लामो समय बिताउनुपर्ने अमेरिकाको परराष्ट्र मन्त्रालयको भनाइ छ । 


Advertisement

बेइजिङले हङकङका लागि राष्ट्रिय सुरक्षा कानून पारित गरेपछि यस्तो चेतावनीयुक्त इमेल चीनमा रहेका अमेरिकी नागरिकहरूलाई पठाइएको हो । 

उक्त कानूनमार्फत चीनले क्षेत्राधिकार बाहिर गएर कुनै पनि देशका कुनै पनि व्यक्तिका विरुद्ध अभियोग लगाउन सक्ने र संसारभरिका आलोचकलाई मौन रहन बाध्य पार्ने बताइएको छ । 


Advertisement

अमेरिकाको परराष्ट्र मन्त्रालयले के कति कारणले सतर्कता जारी गर्नुपर्ने अवस्था आइलागेको भनी स्पष्ट पारेन तर निजी कुराकानीमा समेत चिनियाँ सरकारको आलोचना गर्दा विदेशी नागरिकहरूका विरुद्ध अभियोगको स्थिति आउने अमेरिकाको भनाइ छ । 

‘चीन सरकारको आलोचना गर्ने निजी सन्देशहरूका लागि समेत सुरक्षाकर्मीहरूले अमेरिकी नागरिकलाई नियन्त्रणमा लिने र/वा सुपुर्दगी गर्ने सम्भावना रहन्छ,’ उसले थप्यो । तर यसको विशिष्ट उदाहरण उसले दिएन ।

दुई महाशक्ति राष्ट्रबीच व्यापार, कोभिड–१९ महाव्याधि, हङकङ, सिनजियाङ लगायतका विषयमा तनावको स्थिति रहेको बेलामा सुरक्षा सतर्कता जारी गरिएको हो ।


 

एजेन्सी
एजेन्सी

लेखकबाट थप...

कमेन्ट गर्नुहोस्