संविधान दिवसको दिन शनिवार काठमाडौंको टुँडिखेलमा देखिएको दृष्यप्रति पूर्वसभामुख दमननाथ ढुंगानाले कठोर व्यंग्य गरेका छन् । 

सर्वहारा पार्टीका नेताहरू समृद्धि र सफलताका पुराण वाचन गर्दै सलाम खाइरहेका र सर्वहारा श्रमिक मजदूर स्वयंसेवीद्वारा वितरित खाना खाइरहेको दृष्य खास नेपाल भएको उनको टिप्पणी छ । 

‘हिजो संविधान दिवसमा टुँडिखेलमा खास नेपाल देखियो । दक्षिणतिर पहिलेका सर्वहारा आजको शासन प्रमुखहरू समृद्धि र सफलताका पुराण वाचन गर्दै सलाम खाइरहेका थिए भने खुलामञ्चतिर हेलिकप्टरबाट क्रान्तिको अनुभूति गर्दै ज्यालादारीका सर्वहारा श्रमिक मजदूर स्वयंसेवीद्वारा वितरित खाना खाइरहेका थिए,’ ढुंगानाले ट्वीटरमा लेखेका छन् । 

विशिष्ट व्यक्तिलाई डिस्टर्ब हुने भन्दै खुलामञ्चमा खानाका लागि लाइनमा बसेकालाई त्यहाँबाट हटाइएको समाचार आएपछि हिजोको संविधान दिवस समारोहको आलोचना भएको छ ।