१० साउन २०८३, आइतबार
चीनका एक पुरुषलाई एउटा टीभी कार्यक्रममा देखिएपछि सामाजिक सञ्जाल प्रयोगकर्ताहरूले उनी अत्यन्तै सुन्दर भएको भनी प्रशंसा गरेका छन् ।
पूर्वी चीनको निङ्बो शहरमा बस्ने झाङलाई आफ्नो बाथरूमको शीशाको ढोका फुटेको गुनासो गरेको भिडियो सार्वजनिक भएको थियो ।
झाङको सुन्दर मुहार देखेर सामाजिक सञ्जाल प्रयोगकर्ताहरू मन्त्रमुग्ध भएका छन् । उनको सानो भिडियो फूटेजले वीबोमा २४ घन्टाभित्र पाँच करोड भ्युज पाएको छ ।
यी २२ वर्षीय युवकलाई झजियाङ टेलिभिजनले उपभोक्ता अधिकार सम्बन्धी कार्यक्रमका लागि अन्तर्वार्ता लिएको थियो ।
सेप्टेम्बर ८ मा नुहाइरहँदा भाडामा रहेको फ्ल्याटको शीशाको ढोका आफैं चकनाचुर भएको झाङले दाबी गरे ।
फुटेको शीशाले आफ्ना दुवै हात गहिरो गरी काटेको उनले बताए । उपचारका लागि आफूले ९४ सय युआन तिर्नुपरेको उनको भनाइ छ ।
झाङले स्थानीय सञ्चारमाध्यमको सहायताले आवासीय व्यवस्थान कार्यालयबाट क्षतिपूर्ति खोजिरहेका थिए ।
तर सामाजिक सञ्जाल प्रयोगकर्ताहरू उनको शीशाको ढोका भन्दा पनि अनुहारमा ध्यान दिन थालेका छन् ।
प्रेमिका बनाउने हो भनी महिला प्रयोगकर्ताहरूले उनलाई सोधेका छन् ।
