काठमाडौं । बेलायती राजकुमार ह्यारीले नेपाल र नेपालीको मुक्तकण्ठले प्रशंशा गरेका छन् । ट्रेल वाकर युके आयोजना गर्ने १ सय किलोमिटर रिलेमा भाग लिन आग्रह गर्दै उनले नेपाल र नेपालीको प्रशंशा गरेका हुन् ।
उनले कोरोना महामारीका बेला नेपालीहरुले देखाएको बहादुरी भावनाको पनि प्रशंशा गरेका छन् ।

अक्सफाम र द गोर्खा वेलफेयर ट्रस्टका लागि रकम संकलन गर्ने उद्देश्यले यो भर्चअुल यात्रा आयोजना गर्न लागिएको अवस्थामा भिडियो सन्देश जारी गर्दै उनले  यस्तो बताएका छन् ।
सो संस्थाहरुले विश्वव्यापी महामारीका पिपिई उपलब्ध गराउने तथा सरसफाई र शिक्षा क्षेत्रमा सहयोग पु¥याउने लक्ष्य राखेका छन् ।

ह्यारीले २०७२ सालमा गएको प्रलयकारी महाभूकम्पसँग कोरोना महामारीको तुलना गरेका छन् । उनले दुबै संकटमा धैर्य र उदार मन देखाएको भन्दै नेपालीहरुको प्रशंशा गरेका छन् ।
राजकुमार ह्यारीले अक्सफाम र गोर्खा वेलफेयरले गरिरहेको कामको पनि प्रशंशा गरेका छन् । ‘निकै कठिन अवस्थामा समुदायलाई भाइरससँग लड्न सहयोग गरेर मानिसको जीवन जोगाउन उनीहरुले मिलेर काम गरिरहेका छन्,’ ह्यारीले भनेका छन् ।
अक्फामले विश्वव्यापी गरिबी निवारणका लागि काम गर्छ भने गोर्खा वेलफेयर ट्रस्टले नेपाली समुदायका लागि सहयोग गर्दै आएको छ ।