भारत र चीनका सैनिक लद्दाखमा आमनेसामने भइरहेको स्थितिमा सिक्किमको नाकु ला सीमाक्षेत्रमा पनि भिडन्त गरेको खबर छ । 

भारतीय सञ्चारमाध्यमहरूमा आएका खबरअनुसार, उनीहरूको भिडन्त तीन दिनअघि भएको हो । दुवै पक्षका सैनिक घाइते भएको बताइएको छ । 

अहिले परिस्थिति नियन्त्रणमा छ । 

भारत र चीनका सैनिकहरू सीमाक्षेत्रका विभिन्न स्थानमा भिडन्त गरिरहेका छन् । 
 

नाकु लामा यसअघि पनि भारत र चीनका सैनिकहरूबीच पटकपटक भिडन्त भइसकेको छ । 

चीनले लद्दाखदेखि अरुणाचल प्रदेशसम्मको सीमामा नयाँ सडक र अन्य सम्पर्क संरचनाहरू निर्माण गरेको छ । उसले जमीनबाट आकाशमा मार हान्ने क्षेप्यास्त्र र हेलिप्याडहरू पनि विभिन्न सेक्टरहरूमा बनाएको छ । अनि पूर्वी सेक्टरमा उसले विवादित तर चीनको अधीनमा रहेका क्षेत्रमा सर्वसाधारणहरूलाई बसाउने काम पनि गरिरहेको छ ।