द ट्रेन्ड्स जर्नलका प्रकाशक जेराल्ड सेलेन्तेले कोरोनाभाइरस महामारीका कारण विश्व व्यापार ध्वस्त भए पनि चीनको अर्थतन्त्र बलियो अवस्थामै रहेको बताएका छन् ।
 

आरटीको काइजर रिपोर्ट कार्यक्रममा म्याक्स काइजरसँग कुरा गर्दै सेलेन्तेले सन् २०२१ को ट्रेन्डको शीर्ष स्थानमा चीन रहने बताए । उसले २१औं शताब्दीमा प्रभुत्व जमाउने र अमेरिकालाई विस्थापित गर्ने प्रक्षेपण पनि गरिएको सेलेन्तेको भनाइ छ । 
‘

बीसौं शताब्दी अमेरिकाको थियो भने २१औं शताब्दी चीनको हुनेछ,’ उनले बताए । 
 

वाशिङटनलाई युद्ध शुरू गर्ने चिन्ता छ भने बेइजिङको जोड व्यापारमा छ । 

अमेरिका अहिले पहिलो विश्वयुद्धभन्दा ठीक अघिको बेलायतको जस्तो स्थितिमा रहेको उनले बताए । त्यतिखेर डलरले बेलायती पाउन्डलाई विस्थापित गरेको थियो । 

‘अबको केही वर्षमा संसारको प्रमुख विनिमय मुद्रा युआन हुनेछ । डलर चाहिँ पाउन्डको जस्तो हालतमा पुग्नेछ,’ उनले बताए ।