महानगरीय प्रहरी परिसर ललितपुरले अक्सिजन उद्योगमा डम्प भएका र लु्काएर राखेका २३० वटा अक्सिजन सिलिण्डर कोभिड अस्पताललाई आइतवार उपलब्ध गराएको छ । 

परिसर ललितपुरले पाटन स्वस्थ्य विज्ञान प्रतिष्ठानलाई ८० थान, किष्ट मेडिकल कलेजलाई ५० थान, स्टार अस्पताल र मेघा अस्पताललाई २०/२० थान, अल्का अस्पताल र ललितपुर  महानगरपालिकाले सञ्चालन गरेको बागडोलको आइसोलेसनमा १५/१५ थान, गणेश सिँह अस्पताल, सुमेरु अस्पताल र बज्रबाराही अस्पताललाई १०/१० थान उपलब्ध गराएको प्रवक्ता प्रहरी उपरीक्षक (एसपी) प्रज्वल महर्जनले जानकारी दिएका ।