अमेरिकी प्रविधिको बोबक्याट बी७६० ब्याकहो लोडर अब नेपालमा पनि आएको छ । 

बोबक्याटका लागि नेपालको आधिकारिक बिक्रेता  इन्फ्रास्ट्रक्चर लिजिंग एण्ड कन्स्ट्रक्सन सर्भिस प्रा .लि. ले नेपाली भूगोलका लागि उपयुक्त हुने ब्याक्हो लोडर  नेपाली बजारमा बिक्री वितरणका लागि सार्वजनिक गरेको छ । बुकिङ पनि खुला गरिएको प्रालिले जनाएको छ । 

उक्त मेसिन एशियन बजारलाई मध्यनजर गर्दै इन्डियाको चेन्नई फ्याक्ट्रीबाट उत्पादन गरी नेपाल लगायत अफ्रिकन मुलुकहरूमा पनि बिक्री वितरणको लागि तयार पारिएको कम्पनीको छ । 

नेपालका तराई, पहाड र हिमाल तीनै भूभागमा पूर्व परीक्षण गरी सार्वजनिक गरिएको दाबी गरिएको छ । 

कम्पनीका अनुसार उक्त मेसिनमा रहेको हिटिङ प्रविधि परीक्षणका लागि नेपालको माथिल्लो मुस्ताङमा परीक्षण  गर्दा मेसिन सहजै सुचारू भएको थियो । 

'अमेरिकी प्रविधिबाट निर्मित बी७६० मा विश्व प्रसिद्ध पर्किन्स इन्जिनको प्रयोग गरिएको छ जसले ९४ हर्स पावरको शक्ति प्रदान गर्छ । उच्च बकेट कर्ल एंगलका  साथै उच्च ब्रेकिंग शक्ति समेत रहेकोले कार्य सम्पादनमा द्रुतता र सहजता प्रदान गर्न यो एक भरपर्दो उपकरण रहेको छ,' कम्पनीको दाबी छ, 'यसमा रहेको विशेष  कुलिङ सिस्टमका कारण उच्च तापक्रममा कार्य सम्पादन गर्न सहज हुनेछ साथै यसको १६ डिग्री असिलेसन एंगलले असमान भूभागमा पनि सहजै काम गर्न मद्दत पुग्नेछ र लामो आर्मका कारण अधिक गहिराईसम्म खन्न सहज हुनेछ ।'

नेपालका काठमाडों,नारायणगढ, बुटवल, धनगढी, नेपालगञ्ज, पोखरा, वीरगञ्ज र इटहरीलगायत विभिन्न मुख्य शहरहरूमा रहेका शाखा कार्यालयबाट बुकिङ गर्न सकिने प्रा.लि.ले जनाएको छ ।