×

Nic Asia
Marvel

विमानस्थलबाट सुन तस्करी

गुपचुप रहेको एउटा सुनकाण्ड: कसले लग्यो रामेश्वरले अन्डरवेरमा लुकाएर ल्याएको सुन ?

काठमाडाैं | माघ १०, २०७८

TVS INSIDE

वैदेशिक रोजगारीमा गएका एक व्यक्ति सुन तस्करको अपहरणमा परेको रहस्य ३ महिनापछि खुलेको छ । 

IME BANK INNEWS
morang Auto yamaha

सिरहाको सखुवानन्कारकट्टी गाउँपालिका– ५ का ३० वर्षीय रामेश्वर राम वैदेशिक रोजगारीमा गएर फर्किंदा काठमाडौंबाट अपहरणमा परेको खुलेको हो । 


Advertisment
NMB BANK
Saurya island

महानगरीय प्रहरी परिसर काठमाडौंले ३ जना अपहरणकारीलाई पक्राउ गरेर माघ ४ गते सार्वजनिक गरेपछि विदेशबाट सुन ल्याएका रामेश्वर अपहरणको केश बाहिर आएको छ । 

प्रहरीले रामेश्वर रामलाई अपहरण गरेको अभियोगमा काठमाडौं तारकेश्वर नगरपालिका–८ जरङ्खु बस्ने ३२ वर्षीय संयोग राई र ३० वर्षीय रमेश अर्याललाई पुस ३० गते पक्राउ गरेको थियो ।

Vianet communication
Maruti inside

यस्तै मकवानपुरगढी  गाउँपालिका ५ घर भई काठमाडौंमा होटल सञ्चालन गर्ने ३१ वर्षीय गोकुल घिमिरेलाई पनि पक्राउ गरी प्रेस वक्तव्यमार्फत सार्वजनिक गरिएको थियो । 

प्रहरी परिसर काठमाडौंका प्रवक्ता प्रहरी उपरीक्षक (एसपी) दिनेशराज मैनालीका अनुसार अपहरणमा परेका रामेश्वरले उनीहरूको चंगुलबाट उम्केपछि प्रहरीमा जाहेरी दिएका थिए ।

त्यसपछि प्रहरीले अनुसन्धान शुरू गरेर थियो ।

अन्डरवेरमा लुकाएर ल्याएका थिए सुन

केही समयअगाडि वैदेशिक रोजगारीमा गएका रामेश्वर रामलाई संयुक्त अरब इमिरेट्सको दुबईमा काम गर्दै गर्दा कम्पनीले निकालियो  । उनी दुबईमै अलपत्र परे । 

त्यसको फाइदा उठाउँदै हिन्दी भाषा बोल्ने व्यक्तिले आफ्नो सामान नेपालसम्म लगिदिएको खण्डमा जहाज टिकट काटिदिने बताए । 

अलपत्र परेका कारण उनले सहजै त्यसलाई स्वीकारे । 

त्यहाँ उनलाई कालो प्लाष्टिकभित्र रहेको सामान अन्डरवेरमा लुकाएर लैजान भनेको अनुसन्धानमा खुलेका छ । 

‘रामेश्वरलाई तस्करहरूले प्रलोभनमा पारेर कालो प्लाष्टिकभित्र पहेँलो धातु लैजान भनेको देखिन्छ,’ एसपी मैनालीले लोकान्तरसँग भने ।

उनी त्यो सामान लिएर असोज ८ गते बिहान त्रिभुवन अन्तर्राष्ट्रिय विमानस्थलमा ओर्लिए ।  उनीसँग अर्का एक व्यक्ति पनि आएका थिए । 

उनी त्रिभुवन विमानस्थलबाट सुन सहजै बाहिर निकाल्न सफल भए । 

विमानस्थलबाट बाहिर आएपछि एक व्यक्तिले रामेश्वरलाई उनकै फोटो देखाएर आफू वास्तविक सम्पर्क व्यक्ति भएको भनी त्यो सुन लगे ।

त्यसपछि उनी सिरहास्थित घर जानका लागि बल्खुको होटल कञ्चनजङ्घामा बसेका थिए । त्यहाँ बसेको केही समयमै २ जना मानिस आएर ‘हाम्रो सुन कहाँ लुकाइस् ?’ भन्दै सोधखोज गरे ।

सुन अर्कैले लगिसकेको बताएपछि बाइकमा हालेर लगे । 

कुटपिट र चुरोटको ठुटोले पोलेर यातना

उनलाई संयोग राई र रमेश अर्यालले काठमाडौंको ज्याठामा रहेको होटल प्लेजर होमको एउटा कोठामा बन्धक बनाएको खुलेको प्रहरीले जनाएको छ । 

‘रामेश्वरलाई संयोग र रमेशले बाइकमा ल्याएर बन्धक बनाएको देखिन्छ,’ काठमाडौं प्रवक्ता मैनालीले लोकान्तरसँग भने, ‘त्यहाँ उनीहरूले यातना दिएको जाहेरवालाले उल्लेख गरेका छन् ।’

रामेश्वर रामले प्रहरीलाई दिएको बयान अनुसार उनीहरूले ‘तैंले ल्याएको सुन कहाँ लुकाइस् भन्दै कुटपिट गर्ने, ज्यान मार्ने धम्की दिने र चुरोटका ठुटाले शरीरका विभिन्न भागमा पोल्ने गरेका थिए ।

रामेश्वर आफूलाई बन्धक बनाएर राखेको होटलको दोस्रो तलाबाट हाम्फालेर प्रहरीको सम्पर्कमा पुगेका थिए ।

कति थियो सुन ?

रामेश्वर रामले ल्याएको सुन कति थियो भन्ने प्रश्न अहिले पनि रहस्यमै छ ।

‘सुन कति थियो भन्नेमा हामीले अनुसन्धान गरिरहेका छौं,’ एसपी दिनेशराज मैनालीले भने, ‘अभियुक्तहरू पक्राउ गरेका छौं, थप उनीहरूबाट केही खुल्ला ।’

तर त्रिभुवन अन्तर्राष्ट्रिय विमानस्थलबाट कसरी सुन बाहिरियो र सुन एयरपोर्टको सीसीटीभी घेराभित्रबाटै कसले लग्यो भन्ने प्रश्नको जवाफ समेत प्रहरीसँग छैन ।

सुन तस्करी र अपहरण जोडिएको यो काण्ड झण्डैझण्डै ३३ किलो सुन प्रकरणको सनम शाक्य प्रकरण जस्तै रहेको देखिन्छ ।

उक्त प्रकरणमा पनि विदेशबाट भित्रिएको ३३ किलो सुन हराएको भन्दै ‘गोरे’लगायतको समूहले सनम शाक्यको अपहरण गरेको थियो ।

त्यसक्रममा चरम यातना दिँदा सनम शाक्यको हत्या भएको थियो । 

यद्यपि यस प्रकरणमा भने रामेश्वर अपहरणकारीको पञ्जाबाट फुत्किएर भाग्न सफल भए ।

TATA Below
NLIC
जेठ १५, २०७९

हराइरहेको तारा एयरको ९ एन एईटी कल साइनको ट्वीनअटर जहाज भेटिएको वायुसेवा सञ्चालक संघले जनाएको छ ।  जहाज दुर्घटनाग्रस्त अवस्थामा मुस्ताङको घाँसा नजिकै टीटी भन्ने स्थानमा भेटिएको वायुसेवा सञ्च...

जेठ १५, २०७९

नेकपा माओवादी केन्द्रका अध्यक्ष प्रचण्डले देशको परिवर्तन र अग्रगमन सहित संविधानले निर्दिष्ट गरेको समाजवादी लक्ष्य हासिल गर्न वर्तमान वाम–लोकतान्त्रिक गठबन्धन एक भरपर्दो विकल्प भएको बताएका छन् ।  नेपालको राज...

जेठ १५, २०७९

मुस्ताङका प्रमुख जिल्ला अधिकारी नेत्रप्रसाद शर्माले अहिलेसम्म पनि जहाज सम्पर्कविहीन नै रहेको बताएका छन् । कुन ठाउँमा जहाज हराएको हो भन्ने अहिलेसम्म यकिन हुन नसकेको उनले बताए ।  मुस्ताङको आकाशमा आएर...

जेठ १५, २०७९

गृहमन्त्री बालकृष्ण खाणले कास्कीको पोखराबाट मुस्ताङको जोमसोमका लागि उडेको तारा एयरको 9N AET कल साइन भएको जहाज खोजी कार्यमा कुनै कसर बाँकी नराख्न सम्बन्धित निकायलाई निर्देशन दिएका छन् । कास्कीका प्रमुख जिल्ला ...

जेठ १५, २०७९

तारा एयरको विमान हराइरहेको भनिएको मुस्ताङको कोवाङ क्षेत्रमा बाक्लो हुस्सु लागेपछि खोजी कार्यमा समस्या भएको छ । बाक्लो हुस्सु लागेको हुँदा उक्त क्षेत्रमा विमान खोज्नका लागि हेलिकप्टर समेत जान सकेका छैन ।&...

जेठ १५, २०७९

पोखराबाट जोमसोमका लागि उडेको तारा एयरको विमान सम्पर्कविहीन भएको छ । ९:५५ मा १९ जना यात्रु र ३ जना चालक दलका सदस्य लिएर उडेको विमान १०:०७ देखि सम्पर्कविहीन भएको तारा एयरका प्रवक्ता सुदर्शन बर्तौलाले जानकार...

गणतन्त्रमा राजैराजा !

गणतन्त्रमा राजैराजा !

जेठ १५, २०७९

दोस्रो जनआन्दोलन सम्पन्न भएपछिको सम्बोधनमा तत्कालीन प्रधानमन्त्री गिरिजाप्रसाद कोइरालाले भनेका थिए, ‘मेरो जीवन प्रजातन्त्रको लडाइँमै सकियो, नयाँ पुस्ताले फेरि प्रजातन्त्रको लागि आन्दोलन गर्न नपरोस् !’ ...

व्यासको मेयरमा उठेपछि कांग्रेसको आक्रमणमा परेका जोशीको लेख– बाटो बिराएका काकाहरूका नाममा

व्यासको मेयरमा उठेपछि कांग्रेसको आक्रमणमा परेका जोशीको लेख– बाटो बिराएका काकाहरूका नाममा

जेठ १३, २०७९

नेपाली कांग्रेसमा आबद्ध हुनुभएका महानुभावहरू साथै मेरो बुवा (गोविन्दराज जोशी)का साथीहरू, मैले आदरणीय मानेका काका ठूलोबाहरू, मेरा बुवा र हामी सम्पूर्ण परिवारले ५० औँ वर्षसम्म तपाईंसँग एउटै यात्रामा प्रजातन्त्र...

यौन अपराधमा हदम्याद : नेपालको कानून र अन्तर्राष्ट्रिय अभ्यास

यौन अपराधमा हदम्याद : नेपालको कानून र अन्तर्राष्ट्रिय अभ्यास

जेठ १२, २०७९

जब कुनै आपराधिक घटनाहरू समाजमा उजागर हुन्छन् त्यसपछि मुलुकको विद्यमान कानूनले के भन्छ भन्ने प्रश्न उठ्न थाल्छ । कानूनमा कुनै खालीपन रहेछ भने अभियन्ताहरूले सुधारको बाटो देखाउँछन्। समाजको वास्तविक आवश्यकता यही रहे...

ad
x