शेयर बजारमा आइतवार देखिएको हरियाली एक दिनमै घटेको छ । 

आइतवार १०५ अंकले बढेको नेप्से परिसूचक सोमवार भने १३.४८ अंकले घटेर २८७२.०५ बिन्दुमा आइपुगेको छ । 

बजार घटेको दिन सोमवार नेप्सेमा २२५ कम्पनीको एक करोड एक लाख पाँच हजार ६६९ कित्ता शेयरको ६९ हजार ७७० पटक कारोबार भएको छ । यसबाट पाँच अर्ब १५ करोड रूपैयाँको मात्रै कारोबार भएको छ । 

बजार घटे पनि फरवार्ड माइक्रोफाइनान्स वित्तीय संस्था र विन नेपाल लघुवित्त वित्तीय संस्थाको शेयरमा सकारात्मक सर्किट लागेको छ । यी दुई कम्पनीको शेयर मूल्य १० प्रतिशतले बढेको छ । बुद्धभूमि नेपाल हाइड्रो पावर कम्पनीको मूल्यमा पनि ९.९९ प्रतिशतले बढेको छ । 

बजार घटेपछि माउन्टेन हाइड्रो नेपाल, सिभिल लघुवित्त वित्तीय संस्था, न्यादी हाइड्रो पावर, पन्चकन्यामाई हाइड्रोसहितका लगानीकर्ताले गुमाएका छन् । 

बजार घटेको भए पनि हाइड्रो इलेक्ट्रिसिटी एन्भेष्टमेन्ट एण्ड डेभलपमेन्ट कम्पनीको १६ लाख ३६ हजार कित्ता शेयरको कारोबार भएको छ । 

सबैभन्दा बढीको कारोबार भएको यो कम्पनीको ५७ लाख १२ हजार रूपैयाँको र अपर तामाकोशीको ३१ करोड रूपैयाँको कारोबार भएको छ । 

आइतवार इन्भेष्टमेन्ट र माइक्रोफाइनान्स तथा अन्य समूहको शेयर सूचक बढेको भए पनि अरू सबै समूहको सूचक घटेको छ ।