कोरोनाविरुद्धको खोप अभिलेख सम्बन्धमा छानबिन गर्न गठित समितिले खोपको मौज्दात र खोप लगाएका व्यक्तिहरूको विवरण डीएचआईएस–२ प्रणालीमा अनिवार्य प्रविष्ट गर्न भनेको छ। 

यो पनि पढ्नुहोस्

कोरोना विरुद्धको २० लाख खोपमा कहाँ भयो गडबडी ? जिन्सी व्यवस्थापकमा खोट

समितिको पहिलो बैठकले माघ २१ गते शुक्रवार दिउँसो ३ देखि ४ बजेभित्रमा सो विवरण प्रविष्ट गर्न भनेको हो । 

स्वास्थ्य मन्त्रालयले सूचना जारी गर्दै समितिको निर्णयअनुसार स्वास्थ्य सेवा विभागअन्तर्गतको व्यवस्थापन महाशाखा, सातवटै प्रदेश स्वास्थ्य आपूर्ति व्यवस्थापन केन्द्र, ७७ वटै जिल्ला स्वास्थ्य कार्यालय, ७५३ वटै स्थानीय तहले सो विवरण अपडेट गर्नुपर्ने जनाएको छ ।