बुधवार दिउँसो १ बजेका लागि बोलाइएको प्रतिनिधि सभा बैठकको सम्भावित कार्यसूची सार्वजनिक भएको छ ।

संसद् सचिवालयले प्रतिनिधि सभा बैठकको सम्भावित कार्यसूची मंगलवार सार्वजनिक गरेको हो । त्यसमा दुई वटा प्रस्ताव उल्लेख छन् । 

प्रधानमन्त्री शेरबहादुर देउवाले थारु आयोगको तेस्रो वार्षिक प्रतिवेदन पेश गर्ने र सभामुखले शोक प्रस्ताव प्रस्तुत गर्ने कार्यक्रम रहेको संघीय संसद सचिवालयले जनाएको छ । 

सचिवालयले सार्वजनिक गरेको कार्यसूचीमा एमसीसी उल्लेख भएको छैन । भोलिको संसद बैठकमा मिलेनियम च्यालेन्ज कर्पोरेसन (एमसीसी)सँगको सम्झौता सरकारले संसदमा प्रस्तुत गर्ने अनुमान गरिएको छ । 

सभामुख अग्निप्रसाद सापकोटाले बुधवार बिहान ११ बजे कार्यव्यवस्था परामर्श समितिको बैठक बोलाएका छन् ।

सभामुखको टेबुलमा दर्ता भएको एमसीसी अगाडि बढाउनको लागि सभामुख सापकोटाको अनुमति आवश्यक पर्छ ।