आजकलको जीवनशैली तथा खानपानका कारण शरीरमा विषाक्त पदार्थहरू जम्मा हुँदै गएका छन् । त्यस्तो विष हटाउनका लागि डिटक्स ड्रिंक पिउनुपर्छ ।

यसले तौल घटाउन पनि सहायता गर्छ र छाला पनि आर्द्र राख्छ । 

कागती र अदुवा

भिटामिन सीले भरपूर कागती र अदुवाले शरीरबाट विष निकालिदिन्छन् र अतिरिक्त क्यालोरी पनि डढाइदिन्छन् । एक गिलास मनतातो पानीमा आधा कागती र एक टुक्रा अदुवा राख्नुस् । केही बेर त्यत्तिकै छोडेर पिउन थाल्नुस् । 

स्याउ, पुदिना र दालचिनी

पुदिनाको पात र दालचिनीको स्टिक वा धूलोलाई एक लिटर पानीमा मिसाउनुस् । यसलाई दिनभरि पटकपटक गरी पिउनुस् । दालचिनी प्राकृतिक मेटाबोलिजम बूस्टर हो भने स्याउमा प्रशस्त फाइबर र कम क्यालोरी हुन्छ । यसले तौल घटाउनेदेखि लिएर रोगहरूबाट बचाउने काम पनि गर्छ । 

सुन्तला

सुन्तला र कागतीका पाँचवटा पातला स्लाइस, पुदिनाका पात र आधा लिटर पानी हालेर यो डिटक्स ड्रिंक बनाउन सकिन्छ । पानीमा सबै सामग्री राख्नुस् र पिउनुअघि केही घन्टासम्म पानीमै रहन दिनुस् । भिटामिन सीले भरपूर यस ड्रिंकले शरीरबाट विषाक्त पदार्थ निकालिदिन्छ । 

अनार र पुदिना

एक कप अनारको दाना, ताजा पुदिनाका केही पात एक लिटर चिसो पानीमा राखेर त्यत्तिकै छोडिदिनुस् । अनि दिनभरि घरिघरि यो पानी पिउनुस् । 

काँक्रो र पुदिना

एउटा काँक्रो र पुदिनाका १५ वटा पातलाई एक लिटर पानीमा राख्नुस् । पानीलाई रातभरि वा कम्तीमा चार घन्टा त्यत्तिकै छोड्नुस् र दिनभरि चुस्की लिनुस् ।