प्रतिनिधि सभामा अमेरिकी आर्थिक सहयोग कार्यक्रम मिलेनियम च्यालेन्ज कम्प्याक्ट (एमसीसी) माथि सैद्धान्तिक छलफलका क्रममा प्रमुख प्रतिपक्षी दल नेकपा एमालेले विरोध जनाएको छ ।

आइतवार बसेको प्रतिनिधि सभा बैठकको शुरूमै एमाले सांसदहरूले उठेर नाराबाजी गरेका छन् ।

आइतवारको बैठकमा एमले अध्यक्ष केपी शर्मा ओली समेत उठेर विरोध जनाएका छन् ।

एमालेको विरोधका बीच अर्थमन्त्री जनार्दन शर्माले एमसीसी सम्झौता विचार गरियोस् भन्ने प्रस्ताव पेश गरेका थिए ।

छलफलमा भाग लिएका एमालेका भीम रावलले व्याख्यात्मक टिप्पणीका नाममा गर्न लागिएको संशोधन महाकाली सन्धीको बेलाको संकल्प प्रस्ताव जस्तै भएको टिप्पणी गरे । उनले एमसीसी पारित गर्नेहरू दलाल र राष्ट्रघाती भएको आरोप लगाए ।