शेयर बजार मापक सूचक नेप्से परिसूचक साताको पहिलो दिन आइतवार ३.६६ अंकले घटेको छ । 

बजार ०.१४ प्रतिशतले घटेर २५४३.३९ बिन्दुमा झरेको छ । 

बजार घट्दा कारोबार रकम पनि जम्मा साढे दुई अर्ब रूपैयाँ मात्रै भएको छ । 

आज २३० कम्पनीको ५१ लाख ३९ हजार २३९ कित्ता शेयरको कारोबार हुँदा २ अर्ब ४९ करोड रूपैयाँको कारोबार भएको छ । 

आज मैलुङ खोला जलविद्युत, सामलिङ पावर कम्पनी, नेपाल ल्युब आयल लिमिटेड, न्यादीसहितका कम्पनीले २ देखि ७.८० प्रतिशतसम्मले कमाएका छन ।  बजार घटेसँगै सबैभन्दा बढी गुमाउनेमा भने शिवम् सिमेन्ट, रिलायन्स लाइफ, प्रुडेन्सियल इस्योरेन्ससहितका कम्पनी छन् । 

आज बजार घटेको दिन शिवम सिमेन्ट, नेपाल लाइफ इन्स्योरेन्स, अपी पावर कम्पनी, हिमालयन डिस्टिलरीसहितका कम्पनीको शेयरको सबैभन्दी बढी कारोबार भएको छ ।