५० फिट गहिरो इनारमा खसेकी महिलाको प्रहरीले उद्धार गरेको छ ।

प्रहरीले मंगलवार सिन्धुपाल्चोक तातोपानीकी पेमा शेर्पालाई बूढानीलकण्ठ नगरपालिका-३ मित्रचोकबाट उद्धार गरेको महानगरीय प्रहरी परिसर काठमाडौंका प्रवक्ता एसपी दिनेशराज मैनालीले जानकारी दिए ।

उनको उद्धारमा महानगरीय प्रहरी प्रभाग बूढानीलकण्ठबाट प्रहरी निरीक्षक अनिल ठकुरीको कमाण्डमा ७ जनाको टोली खटिएको थियो । 

खोजतलास गर्ने क्रममा हरि श्रेष्ठको घरमा रहेको इनारभित्र अचेत अवस्था रहेको देखिएपछि प्रहरी प्रधान कार्यालय विपद व्यवस्थापन महाशाखा सामाखुसीले उद्धार गरेको प्रहरीले जनाएको छ ।