धनगढी उपमहानगरपालिका-९ का २१ भूमिहीन दलित परिवारलाई शुक्रवार जग्गाधनी दर्ता प्रमाणपत्र (लालपूर्जा) वितरण गरिएको छ । 

राष्ट्रिय भूमि आयोगले पहिचान र प्रमाणीकरण गरेका भूमिहीन दलित परिवारलाई शुक्रवार लालपूर्जा वितरण गरिएको हो । 

उनीहरूलाई कांग्रेस नेतृ आरजु देउवा राणाले लालपूर्जा वितरण गरेकी थिइन् । 

अन्य वडा र देशभरका भूमिहीनहरूलाई प्रमाणपत्र उपलब्ध गराउन प्रक्रिया अगाडि बढाएको आयोगले जनाएको छ ।