०३ साउन २०८३, आइतबार
अर्घाखाँचीको सन्धीखर्क नगरपालिकाको मेयरका लागि नेपाली कांग्रेसको तर्फबाट शान्ता भण्डारीले टिकट पाएकी छन् ।
नेपाली कांग्रेसको लुम्बिनी प्रदेश सदस्यसमेत रहेकी भण्डारीले गठबन्धनको तर्फबाट मेयरको टिकट पाएकी हुन् ।
उपमेयरमा माओवादीका राजेन्द्र भुसालले टिकट पाएका छन् ।
नेकपा एमालेका सचिवसमेत रहेका टोपबहादुर रायमाझीको गृहजिल्ला अर्घाखाँची सदरमुकाममा एमालेको तर्फबाट कृष्णप्रसाद श्रेष्ठ मेयरको उम्मेदवार बनेका छन् ।
उपमेयरमा एमालेबाट मिश्रा आचार्यले टिकट पाएकी छन् । सोमवार दुवै उम्मेदवारले मनोनयन दर्ता गराउँदै छन् ।
