नेपाली कांग्रेसका निलम्बित सांसद आफ्ताब आलमका छोरा मोहम्मद रजिक आलम नगर प्रमुखमा निर्वाचित भएका छन्। 

रौतहटको राजपुर नगरपालिकाको प्रमुखमा २ हजार ५८४ मतको अन्तरले विजयी भएका हुन्। 

आफ्ताब आलम हत्या मुद्दामा ललितपुरको नख्खु जेलमा थुनामा रहेका बेला उनको उत्तराधिकारीको रुपमा छोराले कांग्रेसबाट टिकट पाएका थिए।

६ हजार ३३५ मत ल्याएर उनी विजयी हुन सफल भएका छन्।

उनका निकटतम प्रतिद्वन्द्वी जनता समाजवादी पार्टी नेपालका मोहम्मद जैद आलम ३ हजार ७५१ मत र नेकपा एमालेकी शर्मिला कोइरालाले ३ हजार १०१ मत ल्याएका छन्। 

त्यसैगरी उपप्रमुखमा पनि कांग्रेसकी जमिला असगरी ६ हजार २६८ मत ल्याएर निर्वाचित भएकी छन्। 

उनका निकटतम प्रतिद्वन्द्वी जस्पाकी चिन्ता कुमारी कलवारले ३ हजार ६२९ मत र नेकपा एमालेकी शेख नसरुल्लाहले २ हजार ७७५ मत ल्याएकी छन्।

२०७४ को निर्वाचनमा पनि उक्त नगरपालिकाको प्रमुखमा नेपाली कांग्रेसका मोहम्मद सकिल अख्तर ४ हजार ३८८ मत ल्याएर निर्वाचित भएका थिए। 

उनका निकटतम प्रतिद्वन्द्वी नेकपा माओवादी केन्द्रका हरिनारायण शाह कलवारले २ हजार १२९ मत ल्याएका थिए।

त्यसै गरी उपप्रमुखमा कांग्रेसकी जफिरा खातुन ४ हजार २३९ मत ल्याएर निर्वाचित भएकी थिइन्। उनका निकटतम प्रतिद्वन्द्वी नयाँ शक्ति पार्टीबाट शर्मिला कोईरालाले २ हजार २०५ मत ल्याएकी थिइन्।