पर्साको वीरगञ्ज महानगरपालिकाको मेयरमा  जसपाका उम्मेदवार राजशमान सिंहले आफ्नो अग्रतालाई फराकिलो बनाएका छन् । जारी मतगणनामा उनले ३३ हजार ३१५ मत ल्याएका छन् ।  सोमबार बिहान प्राप्त मतपरिणामअनुसार नेकपा एमालेका महानगर प्रमुखका उम्मेदवार बिजय सरावगीले मात्र १७ हजार ४२० मत प्राप्त गरेका छन् । यस्तै राप्रपाका गिरीश गिरीले भने २ हजार ४७४ मत प्राप्त गरेका छन् । 

उपमेयरमा गठबन्धनका साझा उम्मेदवार इम्तियाज आलमले २२ हजार ८१३ मत ल्याएका छन् भने उनका प्रतिष्पर्धी एमालेसँग गठबन्धन गरेको लोसपाका उम्मेदवार पुरुषोत्तमलाल झाले ५ हजार ५५९ मत प्राप्त गरेका छन् । वीरगन्जको मतगणना अन्तिम चरणमा पुगेको छ । अब ३ वटा वडाको मात्रै मत गन्न बाँकी रहेको निर्वाचन अधिकृतको कार्यालयले जनाएको छ ।