बलिउड अभिनेता सलमान खानलाई ज्यान मार्ने धम्की आएको छ ।

खानलाई आइतवार धम्की दिइएको पत्र प्राप्त भएपछि महाराष्ट्र गृह विभागले सुरक्षा बढाएको छ । उनको घरमा प्रहरीको एक टोली नै खटाइएको भारतीय सञ्चारमाध्यमले जनाएका छन् ।

अभिनेता खानलाई पठाइएको पत्रमा पञ्जाबी गायक सिद्धु मूसेवालालाई मारे जसरी मार्ने धम्की दिइएको छ । सलमान खान र उनका बुवा सलिम खानलाई मार्ने धम्की पत्रमा दिइएको छ ।

खानका गार्डले उनी मर्निङ वाक गरेर बस्ने ठाउँमा धम्कीयुक्त पत्र फेला पारेका थिए । प्रहरीले घटनाको अनुसन्धान अगाडि बढाएको छ ।