नेपाल राष्ट्रिय पर्यटन व्यवसायी संगठनको तेस्रो राष्ट्रिय महाधिवेशन महाधिवेशन साउन १३ गते काठमाडौंमा हुने भएको छ । यसका लागि शुक्रवार उक्त व्यवसायी संगठनले विस्तारित बैठक महाधिवेशन आयोजक कमिटी गठन गरेको छ । नेकपा एमाले निकट पर्यटन व्यवसायीको यस संगठनले विस्तारित बैठक महाधिवेशन आयोजक कमिटी गठन गरेरै जाने निर्णय गरेको छ । महाधिवेशन आयोजक कमिटीको  संयोजक पूर्णबहादुर कुँवर छन ।

महाधिवेशन सम्पन्न गर्न विभिन्न कमिटी गठन भएको छ । यस्तो कमिटीमध्ये आर्थिक कमिटीमा कलाधर बराल ,लीला लामा र कमल नेपाल छन । प्रतिनिधि छनोट कमिटीमा पूर्ण बहादुर कुँवर, राजेन्द्र सापकोटा र यमबहादुर खड्का छन । अथिति सत्कार कमिटीमा प्रदीप आचार्य, जीवन थपलिया, विदुर खतिवडा र जया बराल रहेका छन ।

मंच व्यवस्थापन कमिटीमा जीवन थापा मगर, प्रह्लाद लोहनी र दीपक दाहाल छन । घोषणा पत्र तयार गर्ने कमिटीमा घनेन्द्रबहादुर श्रेष्ठ, डा. आलोक प्रसाई र टिकाराम गुरुङ छन् । कार्यालय व्यवस्थापन गर्ने सम्बन्धि कमिटीमा कलाधर बराल, सुधीर उपाध्याय, राम वली दास  तथा प्रचारप्रसार कमिटीमा  मदन भण्डारी, बासु लम्साल र विष्णु पाण्डे रहेका छन् । 

महाधिवेशन प्रतिनिधि हुन भने आगामी साउन ७ गते सम्म बन्ने सदस्यता लिइसक्नुपर्ने निर्णय पनि बैठकले गरेको संगठनका प्रतिनिधि छनोट समिति सदस्य यमबहादुर खड्काले बताए ।