कांग्रेस महामन्त्री विश्वप्रकाश शर्माले देशको समग्र अर्थतन्त्रबारे श्वेतपत्र जारी गर्न सरकारसँग माग गरेको छ । शनिबारको केन्द्रीय समिति बैठकमा बोल्दै शर्माले यस्तो माग गरेका हुन् । 

‘एकातर्फ हामीले घरेलु जीवनलाई व्यवस्थित र सुदृढ गर्दै आगामी निर्वाचनको तयारी गर्नुछ । अर्कोतर्फ के नेपाल श्रीलंका बन्दैछ ? भन्ने मनोवैज्ञानिक त्रासलाई पनि चिर्नु छ’, शर्माले बैठकमा भने, ‘प्रमुख दलका रूपमा नेपाली काँग्रेसको कर्तव्य जनतालाई ढाडस दिने, आशा जिवित राख्ने, विश्वासमा लिने हो । अत सरकारले आजको समग्र अर्थतन्त्रकाबारे श्वेत पत्र जारी गरेर, जनता समक्ष सत्यतथ्य राख्नुपर्छ र जनतामा विश्वास जागृत गर्नुपर्दछ ।’

उनले यसबारेमा प्रमुख प्रतिपक्षी लगायत संसदमा रहेका सबै दलहरु एवं विज्ञ अर्थशास्त्रीसहितको सर्वपक्षीय छलफल आयोजना जरुरी रहेको पनि बैठकमा औँल्याए ।